CIDIOTS CID + 3 Idiots

CID-iots

 I grew up watching the super awesome crime show CID ! And more recently, the film 3 Idiots left a huge impact on my small mind (you can even put it in your pocket...). So, I had a thought that both of these had to be in my first film.

Here it is...

Starring : ACP Pradyumn, Daya and Abhijeet in and as CID-iots (CID + 3 Idiots)

Supporting Cast : Fredericks, Dr. Salunkhe, Vivek, Chatur, Virus aka Viru Sahastrabuddhe, etc

Music : talks on with Anu Malik and Preetam. We'll finalise the one who can give us the most 'inspired' music at the cheapest rates.

And, here goes the script...

* * * * * * * * * *   CID-iots  Script   -   First   Draft   * * * * * * * * * *

After Rancho suddenly disappears from ICE, Raju and Farhan Decide to call the world famous CID.

ACP Pradyumn : OHH MY GODD !!! Rancho Gayab hai !! Abhijeet, Daya... Campus ko achhi tarah se CHECK KARO !! Woh zaroor koi na koi suraag chhod gaya hoga !! (Shaking his finger)

After searching the campus like a pair of buffoons, Abhijeet and Daya find out that Joy had committed suicide 4 years ago in the campus...

Abhijeet: Sir, Maamla gadbad hai...Yaha kisi Joy Lobo naam ke student ne aatma-hatya ki thi... 4 saal pehle... Lagta hai woh aatma-hatya nahi, khoon tha... Aur shayad khooni yeh Rancho hi hoga !!!

ACP: OHH MY GODD !!! Abhijeet, Daya... Ek kaam karo... Ye Joy ki kabar khod ke uski laash bahar nikaalo... Aur usey Forensic Lab mein leke aao... Dr. Salunkhe zaroor koi naa koi baat ugalva lenge is murde aadmi se !!

Fredericks does all the digging and brings out the dead body of Joy...

And the next scene is of the Forensic Lab...

Dr. Salunkhe: ACP, bahut jaldi laash le aaye tum... Is se kuch bulvaana mushkil hoga... Lekin tum tension mat lo... Tum Dr. Salunkhe ki lab se khaali haath wapas nahi jaaoge... Koi naa koi raaz to pata chal hi jayega...

After playing with some colour changing liquids...

Dr. Salunkhe: BOSS... Tum ne kaha is ki maut suicide se hui hai... Main kehta hoon is ka khoon hua hai !!

ACP: Salunkhe !!! Ye mazaak ka waqt nahi hai !!... Ye kaise ho sakta hai??

Salunkhe: BOSS... Sab kuch mumkin hai !! Ye dekho...

(shows him his star-trek type computer and does some really fast typing)

ACP: OHH MY GODD !! (still shaking his finger).... To phir yeh baat humein kisi ne batayi kyun nahi??? Ek kaam karo... Uss principal ko yahaan leke aao Bureau mein... Ab kya sach hai, wohi humein batayega !!

Virus is brought to the Bureau...

Virus: Sssir, mujhe yahaan kyun bulaya hai... Maine kuch nahi kiya...

Abhijeet: Sach sach batao... Us raat campus mein kya hua tha???

Virus: Ssssir, main sssach bol raha hoon... Mujhe kuch nahi pata hai??

Daya takes over and gives him a dose of his special world famous CHAMAAAT !!!

Daya: Ab yaad aaya kuch???

Virus: Haan Sir, sab yaad aa gaya... Batata hoon... Sab batata hoon !

Fredericks: (constipated look) Sir... Daya sir ke chamaat me toh jaadu hai... Is ka 'sssss' karna band ho gaya...

ACP: Fredericks... Chup raho !!

Virus: Uss raat sab logo ne Gay Party ki thi.... Sab log apni underwear mein campus mein ghoom rahe the.... Main bhi tha... Lekin mere saath koi flirt hi nahi kar raha tha... Isliye main bahut gusse mein tha... Phir Joy aaya aur usne mujhe uska helicopter dikhaya... Maine us ka helicopter dust bin mein fek diya.. To wo rote-rote apne room mein chala gaya... Aur next din hum ne dekha to uska murder ho gaya tha... Lekin aap please ye baat kisi se boliye mat... College ki badnaami ho jayegi...

ACP: Hum kisi ko nahi batayenge... Tum humare saath co-operate karo...

Virus leaves...

ACP: Yahaan kuch to gadbad hai Daya.... Aisa kaise ho sakta hai ki campus mein khoon ho gaya aur kisi ne CID ko bulaya hi nahi?? Apna publicity ka kharcha badha do....

Abhijeet: Sir, ye college mein padhe-likhe log hain... Shayad in logo ko pata hai ki pehle Police ko bulaana chahiye, CID ko nahi !!

ACP: Aur ye kaise hua ki khooni campus mein aa gaya.... Aur campus se khoon kar ke nikal bhi gaya??

Vivek : Sir, shayad ye bhi ho sakta hai ki khooni koi student hi ho?

ACP: Haan Vivek... Kuchh bhi ho sakta hai... Kuchh bhi... (shaking his finger)... Ek kaam karo Abhijeet... Phir se campus mein chalte hain... Aur achhi tarah se check karte hain... Yahaan daal mein zaroor kuchh kaala hai !!

Abhijeet: Sir, daal mein kaala nahi, poori daal mere jaisi kaali hi hai !!

They reach the campus in their old faithful Toyota Qualis which changes colour every episode... But the number plate is still the same... And Daya slams the breaks...

SCCRREEEECH !!

ACP: Abhijeet, Vivek tum poora campus CHECK KARO.... Daya ,tum is campus ke saare DARWAAZE TOD DO....!! Fredericks, tum sab logo ko tumhare jokes se entertain karo... Aur main yahaan baith ke apni ungli hilata hoon.... Chalo sab apne apne kaam pe lag jaao !!

After checking the campus...

Vivek: Sir, yahaan aaiye.... Ye dekho.... Ye ek Chatur Ramalingam naam ke ladke ki diary mili hai sir... Is mein likha hai ki wo aur Rancho ek doosre ke dushman the... Aur wo Rancho se badla lena chahta tha !!

ACP : (shaking finger...as usual)... OHH MY GODD !!! Ab ye Chatur kaun hai...?? Aur iske room se itni badbu kyun aa rahi hai...?? Good work Vivek...! Is evidence ko forensic lab le jao !

Abhijeet: Haaiinn !!! Sir, dheere dheere sab pata chal raha hai... Shayad is Chatur ne hi Joy ka khoon kiya hoga !! Aur Rancho kahaan gaya, ye bhi usey hi pata hoga !!

ACP: To bulao is Chatur ko Bureau mein... Is se hi pooch ke dekhte hain !!

Chatur in interrogation...

ACP: Rancho kahaan hai ??

Chatur : I Don't Know Sir !! Mujhe nahi pata !! Main us ke baare mein kuchh nahi jaanti....

Abhijeet: Dekho... Sach sach bataao !! Humein tumhari ye diary mili hai... Wo bhi tumhare room se... Ye diary to pehchante ho naa tum?? Is mein saaf saaf likha hai ki tumhe Rancho se jalan thi...

Chatur : (over-acting)... Ye diary meri hi hai... Mujhe nahi pata hai sir ye Rancho keedar hai !! Maine kuchh bhi nahi kiye hai... Please believe me sir... I'm innocent....

Daya gives ONE TIGHT SLAP and the chair spins...

Chatur: (crying with one hand on his cheek) Haan haan... Maine hi khoon kiya tha Joy ka... Kyunki us ne Mechanical Helicopter banaya tha project mein... Aur maine sirf paper ka rocket banaya tha.... *sob sob* Lekin phir woh Rancho aa gaye... Us ne mujhe dekh liye the... Isliye maine usko bhi gayab kar diya...

ACP: Waah... Kya plan banaya tha... Lekin afsos... Tum CID ke saamne kaamyaab nahi ho paaye... Ab banaate rehna plan... JAIL me... Tumhe to FAASI hogi FAASI !!